來到清邁，湄林（Mae Rim）是必到的地方，兩日一夜行程絕無冷場，有得玩又有絕靚風景。
我們一行四人先到 Pongyang Adventure Park（博岩冒險公園），號稱是全泰北最好玩最安全的地方。這個遊樂場最有名是玩叢林飛索和雲霄飛車，我們只玩了後者，有點似香港海洋公園的越礦飛車。由於位置係正叢林中間，飽覽高山靚景，因此而聞名。
叢林中的雲霄飛車。
飛車可以自行調較速度。
架空路軌望落去好高車好快有點驚驚，坐了上去，原來自行控制車速，想刺激喪衝又得，想沿途慢慢欣賞風景亦得。不過開得太慢都不是太好，港佬是我後面架車，不斷大嗌叫我開快啲，否則會撞到我。我當然睬佢都傻，繼續慢慢享受我的300銖（300銖玩一次，玩耐啲係抵啲）旅程。途中會有攝影機影相，記得對住鏡頭擺甫士。落車後旁邊有部機揀相，100銖連相架，好抵買。（相架要回去office問職員索取，千萬不要忘記。）
玩雲霄飛車，要行上山呀﹗條長命樓梯好攞命，港佬自己行唔理我啦﹗
《空中雙人單車 》
一邊踩單車一邊拖手影相，嚇到港婦V嘩鬼叫。
我們還玩了空中雙人單車，類似高空踩鋼線，不過變咗踩單車。這個就真的巧驚驚，感覺好易跌落街，望向下面好很高，加上不夠力踩單車是會後溜的。我一路踩一路嗌晒救命，完全不敢向下望。仲有玩之前工作人員叫我們嘗試放開雙手，不要揸住把手，然後兩人手拖手影相，唔驚就假，幸好我和港佬順利完成這個「創舉」。
港婦的泰國朋友。
《懸崖打卡cafe 》
網床座位，個個都hea住影相。
玩完刺激遊戲後，就行過隔離間懸崖瀑布Cafe Jungle de cafe嘆個下午茶。這間人氣Cafe最特別是有網床設計的座位，從網床望落去就是懸崖，個心會離一離。
Jungle de Cafe是湄林必到打卡點，cafe旁邊就是瀑布。
旁邊是一個小型瀑布，一邊嘆咖啡一邊聽住水聲潺潺，周圍環境絕靚之餘，咖啡同甜品都相當出色，值得花個幾鐘車過來打卡。
港婦的泰國朋友充當侍應，幫手送飲品。
小食有雞翼、炸雞筋，相當不錯。
奶茶蛋糕，一般般。
影片：
推介度：🌟🌟🌟🌟
PongYaeng Jungle Coaster & Zipline
湄林、MaeRim、清邁飛索、清邁必去、清邁叢林飛索、湄林打卡cafe、湄林樹林cafe、蒙占山
Comments